Kisah Bahasa
Banjar " Galandangan Sugih Takajut"
Galandangan Sugih takajut.
Oleh Haderi, S.Ag
Dasar datang dinyaman, kada suah sakit sugih karana warisan kuitan. Utuh bahri pintar juapang maatur harta paninggalan kuitannya. Kada mahambur-hambur duit nang kada ngangaruan, tapi sabuting kakurangannya, kada pati hakun bagaul lawan urang kampung nang miskin, inya katuju mahina urang, padahakannya urang miskin tu karana pangulir haja bagawi.Inya kada aasaan manyambat lawan mambanggaakan kasugihannya. Bila urang kampung nang miskin nang bapangantinan atawa kamatian inya jarang maka hakun datang. Apalagi nangaran pangajian inya anti banar. Pamalar lawan sumbung bakawan jadi satu.Sampai akhirnya urang kampung sarik lawan inya.
Jar urang kampung mun inya mati, jangan ada nang hakunnya maurus janazahnya.
Sakalinya rupanya Utuh mandangar pamandiran urang kampung itu, tapi bukannya sadar, malah inya batapak dada ha pulang, “Biar urang sakampungan kada maurus mun aku mati, aku banyak haja baduit”
Imbah baucap nang kaya itu sakitar saminggu Utuh Bahri maninggal dunia karana sarangan jantung. Urang sakampungan takurihing, kada sadih, malah basukur, maapusakan.
Dasar bujur, urang sakampungan kadada nang hakunnya maurus janazahnya. Dan kadada nang hakunnya mailangi. Sunyiai, kada tahuai jar urang kampung biarha badusa sakampungan, asal kami puas.
Utuh ada batinggal anak lalakian, Utuh Kacung, kasian nanganak kahulu kahilir mancari urang nang hakun mamandidi, mangapani, manyambahyangakan, lawan manguburakan, tarnyata urang kadada nang hakunnya.
Tapaksa inya mancari urang kampung nang jauh, tapi urang kampung jauh juwa mandangar habar kasumbungan Utuh bahri, kada hakun juwa, “Makan ha situ duit nang banyak, mun sudah mati hanyar manyasal”.
Rupanya Utuh Kacung kada tahu lagi nangapa nang harus inya gawi, buntu sudah pikiran. Inya tarus bajalan, lalu tatamu bubuhan galandangan nang katuju duduk di pos gardu,
Buhan pian handaklah dapat duit' Jar utuh Kacung
“Siapa nang kada handak diduit” Jar buhannya manyahuti.
“Kaya ini abah ulun hanyar maninggal, tapi kadada urang nang hakun maurus janazah sidin, buhan pian ja lagi nang ulun harap, pokoknya saapa ja pian maminta upahnya ulun bayar.”. Jar Utuh Kacung mamuhun.
Mandangar kaya itu buhan nang batiga maakuri, “ayuja”.
Sampai di rumah buhan nang batiga barunding lawan bini dan anak aruah Utuh Bahri. “Masalah Upahnya jangan hawatir” Jar Aruah bini Utuh Bahri.
Tapi kami handak banggar harga dulu jar buhan nang batiga, upah mamandidi kami minta duajuta surang, mangapani lawan manyambahyangakan lima tigajuta surang. Manabuk luang kubur lawan kukuburnya sajuta surang. Kaya apa akurlah.”
Akur” Jar Bini Aruah Bahri.”yang panting kada babau haruk dirumah.
Imbah baakuran, lalu buhannya manyuruh utuh Kacung batutukar kapasar sagan kaparluan.”Nih catatan nang ikam harus tukar ka pasar”.
Utuh Kacung tulak kapasar mambawa catatan, yang pacang ditukarnya yaitu; Cicibuk mandi 3 buting, Rinso sakilu, sikat tapas 2 buting, kain kaci sapuluh mitir, gunting sabilah, minyak harum,
tikar purun 2 lambar.
Imbah manukar alat yang diparluakan, Utuh Kacung langsung bulik. Lalu manjulung tutukarannya lawan buhan yang batiga.
“Kita babagi tugas” Jar Asmail maanui kawannya Udin lawan Apul. Kita pulai disini mamandidi, Udin manabuk luang, kaya apa akurai kalu bila sudah tuntung sama-sama kita kaina manyambanhyangakan”
Lalu buhannya maangkat mayat ka kamar mandi, Rinso nang sakiluan di tumpah ka bak mandi, limbah di haru, mayat langsung dibuat ka bak mandi, sambil disikat lawan sikat tapas, imbah dirasa barasih, dihanduki. Dan dibawa kakamar, sagan dibungkus lawan kain kaci, kain kaci nang sapuluh mitir diampar lalu dipulun digulungakan mayat Utuh Bahri nang kaya manggulung tikar. Imbah itu kada lawas Udin datang, rupanya imbah sudah inya manabuk luang.
Kita sudah imbah mamandidi lawan mambajui, tinggal kita manyambahyangakan, Jar Asmail.
Lalu udin baucap “kaya apa sambahyangnya”,
Pokoknya kita kawai-kawai jadiai, buhannya kada tahu ja jua
Lalu buhan nang batiga manyambahyangkan, Asmail yang jadi imamnya, lalu Asmail maampar sajadah, Allahuakbar, bakawai-kawailah lagi nang batiga. Lalu sujud sakali.
Utuh Kacung bingung malihat, rupanya inya parnah juwa malihat urang sambahyang kifayah, imbah tuntung lalu batakun “ Napa jadi basujud”
lalu buhannya manyahuti; “ Abahmu banyak dosa, karana kakabanyakan kami muhunakan supaya diampuni dalam sujud,
Uh kaya itu kah, Jar Utuh Kacung.
Imbah sambahyang langsung dibawa kakuburan, supaya nyaman maangkat dibuat dalam tikar lalu dikambit dipikul lawan haur, Asmail manyahan di muka, Apul manyanggai di tangah, Udin di balakang, waktu mambawa rupanya batis mayat taulur pas kana awak Udin, marasa pina dingin Udin langsung malapas pikulannya, lalu bukah, malihat Udin bukah Apul juwa malapas, tatinggal asmail, hau baratnya, jar Asmail. Diitihi kabalakang kawan kadada lagi, lalu inya hampas jua pikulannya.Lalu Asmail mahiyau kakawanannya, hei jangan bukahan, kada papa, duit, duit, duit...tahulah kita balum dapat upahnya, mandangar duit buhan nang badua capat babulik.
Lalu diangkat pulang, sampai ahirnya ka luwang kubur, lalu dibuat dan didudukakan, imbah itu ditimbun lawan tanah.
Biris....sugih takajut kita hari ini, sip kompak dulu nah, hahaha.
Oleh Haderi, S.Ag
Dasar datang dinyaman, kada suah sakit sugih karana warisan kuitan. Utuh bahri pintar juapang maatur harta paninggalan kuitannya. Kada mahambur-hambur duit nang kada ngangaruan, tapi sabuting kakurangannya, kada pati hakun bagaul lawan urang kampung nang miskin, inya katuju mahina urang, padahakannya urang miskin tu karana pangulir haja bagawi.Inya kada aasaan manyambat lawan mambanggaakan kasugihannya. Bila urang kampung nang miskin nang bapangantinan atawa kamatian inya jarang maka hakun datang. Apalagi nangaran pangajian inya anti banar. Pamalar lawan sumbung bakawan jadi satu.Sampai akhirnya urang kampung sarik lawan inya.
Jar urang kampung mun inya mati, jangan ada nang hakunnya maurus janazahnya.
Sakalinya rupanya Utuh mandangar pamandiran urang kampung itu, tapi bukannya sadar, malah inya batapak dada ha pulang, “Biar urang sakampungan kada maurus mun aku mati, aku banyak haja baduit”
Imbah baucap nang kaya itu sakitar saminggu Utuh Bahri maninggal dunia karana sarangan jantung. Urang sakampungan takurihing, kada sadih, malah basukur, maapusakan.
Dasar bujur, urang sakampungan kadada nang hakunnya maurus janazahnya. Dan kadada nang hakunnya mailangi. Sunyiai, kada tahuai jar urang kampung biarha badusa sakampungan, asal kami puas.
Utuh ada batinggal anak lalakian, Utuh Kacung, kasian nanganak kahulu kahilir mancari urang nang hakun mamandidi, mangapani, manyambahyangakan, lawan manguburakan, tarnyata urang kadada nang hakunnya.
Tapaksa inya mancari urang kampung nang jauh, tapi urang kampung jauh juwa mandangar habar kasumbungan Utuh bahri, kada hakun juwa, “Makan ha situ duit nang banyak, mun sudah mati hanyar manyasal”.
Rupanya Utuh Kacung kada tahu lagi nangapa nang harus inya gawi, buntu sudah pikiran. Inya tarus bajalan, lalu tatamu bubuhan galandangan nang katuju duduk di pos gardu,
Buhan pian handaklah dapat duit' Jar utuh Kacung
“Siapa nang kada handak diduit” Jar buhannya manyahuti.
“Kaya ini abah ulun hanyar maninggal, tapi kadada urang nang hakun maurus janazah sidin, buhan pian ja lagi nang ulun harap, pokoknya saapa ja pian maminta upahnya ulun bayar.”. Jar Utuh Kacung mamuhun.
Mandangar kaya itu buhan nang batiga maakuri, “ayuja”.
Sampai di rumah buhan nang batiga barunding lawan bini dan anak aruah Utuh Bahri. “Masalah Upahnya jangan hawatir” Jar Aruah bini Utuh Bahri.
Tapi kami handak banggar harga dulu jar buhan nang batiga, upah mamandidi kami minta duajuta surang, mangapani lawan manyambahyangakan lima tigajuta surang. Manabuk luang kubur lawan kukuburnya sajuta surang. Kaya apa akurlah.”
Akur” Jar Bini Aruah Bahri.”yang panting kada babau haruk dirumah.
Imbah baakuran, lalu buhannya manyuruh utuh Kacung batutukar kapasar sagan kaparluan.”Nih catatan nang ikam harus tukar ka pasar”.
Utuh Kacung tulak kapasar mambawa catatan, yang pacang ditukarnya yaitu; Cicibuk mandi 3 buting, Rinso sakilu, sikat tapas 2 buting, kain kaci sapuluh mitir, gunting sabilah, minyak harum,
tikar purun 2 lambar.
Imbah manukar alat yang diparluakan, Utuh Kacung langsung bulik. Lalu manjulung tutukarannya lawan buhan yang batiga.
“Kita babagi tugas” Jar Asmail maanui kawannya Udin lawan Apul. Kita pulai disini mamandidi, Udin manabuk luang, kaya apa akurai kalu bila sudah tuntung sama-sama kita kaina manyambanhyangakan”
Lalu buhannya maangkat mayat ka kamar mandi, Rinso nang sakiluan di tumpah ka bak mandi, limbah di haru, mayat langsung dibuat ka bak mandi, sambil disikat lawan sikat tapas, imbah dirasa barasih, dihanduki. Dan dibawa kakamar, sagan dibungkus lawan kain kaci, kain kaci nang sapuluh mitir diampar lalu dipulun digulungakan mayat Utuh Bahri nang kaya manggulung tikar. Imbah itu kada lawas Udin datang, rupanya imbah sudah inya manabuk luang.
Kita sudah imbah mamandidi lawan mambajui, tinggal kita manyambahyangakan, Jar Asmail.
Lalu udin baucap “kaya apa sambahyangnya”,
Pokoknya kita kawai-kawai jadiai, buhannya kada tahu ja jua
Lalu buhan nang batiga manyambahyangkan, Asmail yang jadi imamnya, lalu Asmail maampar sajadah, Allahuakbar, bakawai-kawailah lagi nang batiga. Lalu sujud sakali.
Utuh Kacung bingung malihat, rupanya inya parnah juwa malihat urang sambahyang kifayah, imbah tuntung lalu batakun “ Napa jadi basujud”
lalu buhannya manyahuti; “ Abahmu banyak dosa, karana kakabanyakan kami muhunakan supaya diampuni dalam sujud,
Uh kaya itu kah, Jar Utuh Kacung.
Imbah sambahyang langsung dibawa kakuburan, supaya nyaman maangkat dibuat dalam tikar lalu dikambit dipikul lawan haur, Asmail manyahan di muka, Apul manyanggai di tangah, Udin di balakang, waktu mambawa rupanya batis mayat taulur pas kana awak Udin, marasa pina dingin Udin langsung malapas pikulannya, lalu bukah, malihat Udin bukah Apul juwa malapas, tatinggal asmail, hau baratnya, jar Asmail. Diitihi kabalakang kawan kadada lagi, lalu inya hampas jua pikulannya.Lalu Asmail mahiyau kakawanannya, hei jangan bukahan, kada papa, duit, duit, duit...tahulah kita balum dapat upahnya, mandangar duit buhan nang badua capat babulik.
Lalu diangkat pulang, sampai ahirnya ka luwang kubur, lalu dibuat dan didudukakan, imbah itu ditimbun lawan tanah.
Biris....sugih takajut kita hari ini, sip kompak dulu nah, hahaha.
0 komentar:
Posting Komentar